• Hannah

初生Baby 嬰兒正確嘅口腔護理

已更新:2020年11月9日

BB未出乳齒之前,究竟需唔需要做口腔護理呢?🤔


其實初生嬰兒每日要食咁多次奶,如果唔做好適當嘅口腔護理,口腔好容易感染真菌誘發鵝口瘡,尤其一歲以下嘅初生嬰兒或早產嬰免疫力比較弱,BB會因為口腔不適食慾變差或者抗拒進食,咁新手爸媽就有排頭痕喇🤦‍♂️ 🤦‍♀️


根據《衞生署牙齒俱樂部》的資料,由BB出生開始,家長就要每晚定時為bb抹口腔。抹口腔除咗可以保持BB口腔清潔、令BB習慣清潔舒適的口腔外,仲可以令BB長大後,更容易學習和適應刷牙。


幫初生嬰兒清潔口腔,先要準備紗布、棉花或手帕,並準備一杯白開水。家長要用梘液徹底洗手,然後用紗布、棉花或手帕包著手指,蘸少許白開水。之後輕輕將手指伸進口腔內,並貼著牙肉,由上頜至下頜,繞一個圈,將上下頜都抹乾淨。


而嬰兒就算未出牙,其實父母都要細心清潔嬰兒口腔。保持口腔和牙齒衞生,先可以有效預防兒童常見的蛀牙問題。


8 次瀏覽0 則留言